منشكرك يا رب…

آمال البيروتي طربيه 

بهالصباح المبارك، منشكرك يا ربّ على هالنعمة اللي عطيتنا ياها، نعمة الإيمان.

منشكرك يا ربّ لأننا من دون الايمان ما رح نقدر نعيش حدث قيامتك بحياتنا ولا رح نقبلا، ومن خلالا نلنا نعمة الخلاص فيك.

منشكرك يا ربّ على تجسيد قيامتك بكل أعمالنا اللي فيها، وبقوة روحك القدوس، منقدر ننتصر بكتير من الاوقات على ضعفنا وامراضنا الروحية.

منشكرك يا ربّ على كلامك اللي بيشجعنا دايما وبتأكّدلنا فيه بإنّو الشفاءات والعجايب والمعجزات هيي العلامات الارضية لحالة السما المكان اللي ما في الم ولا مرض ولا وجع، لا بل سعادة وفرح

كلنا ثقة يا ربّ بإنّو الايمان فيك هوي النتيجة اللي منتمناها.فيك يا ربّ حياتنا، اعطينا النعمة تا نوعى اكتر انّك انت الحياة اللي فينا، وما منقدر نعيشا الا اذا حملناها لكل انسان منلتقي فيه.