بدنا نصلّي بإيمان.. سمير طنوس

المجد لله

بدنا نصلّي بإيما

 

بالصّلاة بيخلَص لبنان

منكمّل سوا المشوار

ونلغي حوار الطرشان

بدنا نصلّي بإيمان

 

نحنا أصحاب القرار

ونحنا للعالم أنوار

بعَرَقْنا بنينا هالدّار

عنّا المحبّة عنوان

بدنا نصلّي بإيمان

 

منكرّم كلّ الزوّار

مهما الدَّهر علينا جار

كلمتنا نور وأنوار

لاقونا نعيش بأمان

بدنا نصلّي بإيمان

 

بدّي من العالم إقرار

بلادي هي بلاد الأبرار

ويبعد عن شعبي الأخطار

وتبقى القيمة للإنسان

بدنا نصلّي بإيمان

س.ط