عَم بتشَتّي الدِّني دموع

عَم بتشَتّي الدِّني دموع
يِمكن عم يِبكي يسوع
عَ الوطنِ لْ إِسمو لِبنان
مِن مَرَضو قَلبو تِعبان
وشعبو عم بِموت الجوع

واللّه أَرضي تِعباني
وِالدولة مش سِئلاني
شعبي بالوجع غرقان
وللضحكة وِجّو جوعان
والحالة شو خرباني

المرض هاجم متل الحوت
والموت دَقّ كتير بيوت
حَرم الأهل من ولادن
وانحرم كتار من حبابن
عامل متل العنكبوت

الله ما بيترك لبنان
وعلينا دايما سهران
ناطر ت نحنا نهتم
بالصلا ت يزيح الهم
وما نبعد عن الإيمان