ما عنّا…

آمال البيروتي طربيه 

سألت خيي شو الوضع عنا
قللي يا خيي سماع شو عنا
عنا خطوط وانترنت ما عنا
عنا عواميد وكهربا ما عنا
عنا ينابيع ومي ما عنا
عنا محطات وبنزين ما عنا
عنا افران وخبز ما عنا
عنا مشافي ودوا ما عنا
عنا كورونا وحس ما عنا
عنا مدارس وعلم ما عنا
عنا بنوكي ومال ما عنا
عنا قضاء وعدل ما عنا
عنا حكومة ما بتجتمع عنا
عنا رئيس وراس ما عنا
عنا شعب ورجال ما عنا
وشو بعد بدي خبرك تاقول
خايف عا وطن ما يعود عنا