العندليب الأسمر والأعجوبة…

آمال البيروتي طربيه 

لكل يوم زوّادة :
العندليب الأسمر أو عبد الحليم حافظ اللي كبارنا عرفوه و سمعوا أغانيه و الشباب و الزغار أكيد إذا ما بيعرفوه منيح بيكونوا سامعين عنّو .
يمكن اللي قلال بيعرفوا عَنّو انّو بسنة ال ١٩٥٦ صار عندو مرض خطير كتير و كان عندو كم يوم يعيشن لأنّو كان كبدو عم ينزف .
بليلة بيشوف صبيّة من نور قرّبت لحدّو و حطّت ايدها مطرح كبدو و قالتلو مِشي الحال انت شفيت !
هيّي و رايحة سألها طيّب انتي مين ؟
قالتلو انا سانت تريز !
تاني يوم راح عالمستشفى و طلب من كل طبيب عملو فحص و تشخيص انّو يعيدن .
استغربوا الأطباء انّو شو تغيّر من مبارح لليوم و هنّي متأكدين من المرض بس قِبلوا قد ما كان مُصِرّ !
بس شافوا الفحوصات الجديدة ما صدّقوا كيف اختفى هالمرض الخطير اللي ما الو علاج !
و من بعدها رجع العندليب الأسمر عاش ٢٠ سنة .
قدّيسة الورود ما بتتأخّر تساعد من السما متل ما كانت عالأرض !
شفاعتها مع كل شخص محتاجها … الرب معكن !